Iss Tarah Gujra Zamana

Iss Tarah Gujra Zamana – Hindi Shayari

Iss tarah gujra zamaana aapke jane ke baad,
Hum bane sabka nishana aapke jane ke baad,

Chandani mein aag, purwayi mein hai chingariya,
Ab kaha apna thikana apke jane ke baad,

[Purwayi – Purabh disha se aati hawa/East Wind]

Raat ho ya din kabhi bhi aa dhamkati aapki,
Yaad ka yun azmaana aapke jane ke baad,

Ashk hai betaab jaane kab zameen pe gir pade,
Khojte hai yeh bahana apke jane ke baad,

Chaand sa mukh, jheel si aankhen, vo chaandi sa badan,
Lut gaya sara khazana aapke jane ke baad..

by: Ashok Anjum

For More Shayari Like our Facebook Page.. fb/goShayari

To Share your Shayari With Us Click Here.