Nazar Bujhi To Karishme

Nazar Bujhi To Karishme – Urdu Shayari

Nazar bujhi to karishme bhi rojo-shab ke gaye,
Ki ab talak nahi aaye hai log jab ke gaye,

[Rojo-shab – Din-Raat/Day and Night]

Karega kon teri bewafayaion ka gila,
Yahi hai rashm-e-zamana to hum bhi ab ke gaye,

Magar kisi ne hame humsafar nahi mana,
Yeh aur baat ki hum saath-saath sab ke gaye,

Ab aye ho to yaha kya hai dekhne ke liye,
Ye sehar kab se hai viran, woh log kab ke gaye,

Girfta-dil the, magar honsla na hara tha,
Girfta-dil hai, magar honsle bhi ab ke gaye,

[Girfta-dil – Udaas/Sad]

Tum apni sham-e-tamanna ko ro rahe ho ‘faraz’,
Un aandhiyon mein to pyare chrag sab ke gaye..

[Sham-e-tamanna – Ichharupi Shama/Good Time]

by: Ahmed Faraz