Silsila Rakhnaa
Silsila Rakhnaa - Urdu Shayari
Nahi ki milne milane ka silsila rakhnaa,
Kisi bhi satah pe koi to raabtaa rakhnaa,
Madad ki tum se tavaqqo to khair kya hogi,
Garib-e-shahar-e-sitam hu mera pata rakhnaa,
Marenge aur hamare sivah bhi tum pe bahut,
Yeh jurm hai to fir iss jurm ki saza rakhnaa,
Naye safr pe ravanaa hua hai az-sar-e-nau,
Jb aaunga to mera naam bhi naya rakhnaa,
Hisaar-e-shauq uthanaa ‘Zafar’ zarur magar,
Kisi tarf se nikalne ka rasta rakhnaa..
[satah = level;
raabtaa = relationship;
tavaqqo = expectation;
az-sar-e-nau = a fresh start]
For More Shayari Updates Like our Facebook Page.. fb/goShayari