Main Dhundta Hu Jise

Main Dhundta Hu Jise – Hindi Shayari

Main dhundta hu jise woh jaha nahi milte,
Nayi zameen, naya asmaan nahi milta,

Nayi Zameen, naya asmaan bhi mil jaye,
Naye bashar ka kahi kuch nishaan nahi milta,

[Bashar – Insaan/Time]

Woh teg mil gayi jisse hua hai katal mera,
Kisi ke haath ka us par nishaan nahi milta,

Jo ek khuda nahi milta to itna matam kyun,
Yaha to koi mera humjuba nahi milta,

[Humjuba – Awaaz Mein Awaaz Milane Wala/True Friend]

Khada hu kab se main chehro ke ek jungal mein,
Tumhare chehre ka kuch bhi yaha nahi milta,

Woh mera gaaun hai, woh mere gaaun ke chulhe,
Ki jin mein shole to shole, dhua nahi milta..

by: Kefi Aazmi